كتاب الجحيم الجزء الاول
أبدأ كلامي منين ولا منين !
اعرفكم بنفسي
انا اسمي محمد نجيب عايش في المنصوره
بدات قصتي بعد ما اتخرجت من كليه هندسه ب ست سنين
مكونتش لاقي شغل ولا مصدر دخل طب اعمل اي !؟
مش المدرسين كانوا بيقولوا اتعب في الاول علشان ترتاح في الاخر
طب منا اهو تعبت وجبت كليه من كليات القمه وبقالي ست سنين تعبان ومش لاقي
انا مش اصدي اني اعقدك في البلد او يعني اقول انها وحشه بس ده واقع
واقع ولازم نعترف بيه
بالمناسبه امي وابوها ماتوا وانا في اولي اعدادي في حادثه عربيه وده اثر عليا جدا بس
عمي اخدني عنده وصرف عليا واصر انه يدخلني
كليه هندسه علشان بابا كان نفسه يشوفني
مهندس زي ما تقولوا وصيه كده
وانا لما عرفت ب ده اكيد اداني حافز
في يوم وانا قاعد علي الفيس
واحد غريب بعتلي طلب صداقه
انا طبيعتي مش بقبل اي طلب
بس الطلب دا لفت نظري
مفكرتش كتير
لان لقيته دخل علي الرسايل وبيكلمني
وبيقولي رد عايزك
انا عارفك وعاوزك في حاجه
مردتش برضو
لقيته بعت لينك
ولقيته بدأ يشرح عن اللينك ده تلقائي بدون ما اتكلم او استفسر اول لما عملت
Seen
----
انا علفكره زميلك ،، انت متاخدش بالك مني
بس انا عارفك لانك طبعا كنت من المتفوقين
اللينك ده غير حياتي باللي موجود فيه
انا عايش ملك دلوقتي بسبب اللي فيه
ادخل وشوف
وبعد كده قفل مظهرش تاني
والفضول شدني ادخل اشوف اللي ف اللينك
لقيت كتاب اسمه شمس المعارف وكتاب اسمه التابوت الاسود
الاسم خضني
بس فعلا حملت الكتب عندي وبدأت اقراها
من باب اني اشوف صاحبنا ده صح ولا غلط
ومن ناحيه يبقي جيت بفايده لو فعلا بقيت مرتاح وعيشت ملك زي ما بيقول
--
انا فكرت في الموضوع ده كتيير واترددت اني اعمل كده
بس لقيت نفسي قولت واي يعني انا مش لاقي شغل
اكيد ده الحل !
بس اكتشفت بعد ما فتحت الكتاب انه بيتكلم عن عالم الغيبيات
تقريبا كده الجن !!!! ايه !!!! جن ،،، بقي ده اللي هيعيشني ملك
لالالالا حتي لو ده حقيقي مستحيل اعمل كده
قفلت جهازي
بعديها بعشر دقايق من التفكير العميق فتحته تاني
وبدأت اقرأ اول صفحه
كل كلمه بتسحبني للي بعدها وبتشدني
كل ده عشان فضولي قاتلني اقرأ
لحد ما وصلت لشئ قشعرني !!!
ايه ده .. دي تعويذه .. ودي طلسم !!
انا كان نفسي فعلا اشوف الحاجات دي قبل كده
بس دلوقتي شعور غريب مسيطر عليا اوي
بدأت ابص علي طلسم
يااااااربي !!! دي اسامي جان .. انا خايف بجد
بس فضولي هيقتلني بدأت اقرا اول اسم فيه
----
اك اكثي اكثيل
با كا ئير
كيل-ر
وبعد ما قرأتهم النور قطع !
ياربي اعمل اي !!
بدون اي مقدمات سمعت صوت خبط علي الباب
بس خبط منتظم ما بين كل خبطه وخبطه ثانيتين
مين اللي بيخبط !
مين
محدش بيرد
شغلت فلاش الموبايل وروحت ناحيه الباب
حطيت ودني علي الباب علشان اسمع اي صوت
لقيت الباب اترزع في وشي واغم عليا
فوقت لقيتني علي السرير
ولقيت الموبايل جمبي ولا كأن حاجه حصلت
قولت اكيد دا كابوس
بس لقيت اثر الضربه بتاعت الباب في دماغي !
انا مش عارف اعمل اي ياربي اي اللي انا عملته ده
انا خبطت نفسي ولا عملت اي
عدي اليوم وحاولت انسي
روحت علي القهوه شويه افك نفسي لانه مكاني المفضل
وطبعا صحابي وزمايلي دكاتره ومهندسين ومحاسبين نصهم مشرف جمبي هناك
حكيت لهم اللي حصلي اللي يضحك عليا
واللي يتريق
واللي يقولي انت اكيد اتجننت
لكن لقيت واحد ساكت ومركز معايا اوي
لقيته بيقولهم ،، صدقوه
اللي حصله ده ابسط شئ ،، ده الليفل البسيط ف بدايه اللي يمشي ف السكه دي
انا كنت زيك كده برضو بكرا تعرف !
اول ما بدأت اقرأ في كتاب اسمه شمس المعارف الكبري ،، سمعت صوت حاجه بتخربش عالشباك بتاع الاوضه وانا كنت في الصاله
ببص لقيت قطه سوده شكلها بشع مخالبها طويله فروها كثيف
كل ده وملامح وشها مش باينه اوي من بعيد
بدأت اقرب منها واركز ف ملامحها
بس اول ما قربت شويه فجأه الكهربا قطعه ورجعت تاني ف لحظه لكن القطه اختفت
واحد من اللي قاعدين :- طب ايه الغريب ف كده عادي ما ممكن تبقي اي قطه
هو:- انا ساكن ف الدور التامن ، القطه هتطلع ازاي !!!!وتقف عالشباك الرئيسي اللي عالشارع
كل ده وانا في ذهول من كلامه
ايه ده !!! يعني اللي حصلي ده بجد مش كابوس
قولتله طب ممكن بس ثواني هقولك حاجه
واخدته وقعدت معاه علي كرسي انا وهو
وكان الحديث معانا كالتالي !
---
بعد التعارف يعني عرفت ان اسمه سمير
---
انا :يعني يا استاذ سمير الكلام اللي انا حكيته ده حقيقي مش حلم ولا كابوس
سمير :أيوه ده كله حقيقي وانا مصدقك في كل حاجه قولتها
انا :طيب والحل
سمير :الحل عندي يا معلم بص
ده رقمي لو عاوز تحل المشكلات دي هتجيلي
انا :طب هتحلها ب اي !؟
سمير مردش عليا واداني رقمه ومشي
--
روحت البيت
بغير هدومي قدام المرايه
بس لاحظت حاجه غريبه في المرايه
_____________
الجزء التاني هحاول اخلصه بسرعه
أترك تعليقًا