السفاح الجزء السابع

بسم الله
ازيكم يا معلمييين !!!
السفاح الجزء السابع
لو عجبتك القصه حط لايك
واعمل منشن ل اصحابك وخليهم يعملوا فولو :)
الشروط
1-اطفي الانوار
2-لو بتسمع اغاني او حاجه اقفلها
3-ركز مع احداث القصه
---
قولتله طيب يا استاذ عباس تعرف توديني ل العماره اكلم الناس
قالي :ايوه طبعا يا بشموهندس منا هعمل كده اصلا
بص هما 4 ادوار
الدور الاول ده فاضي
التاني بتاعي
الثالث الدكتوره لمياء
الرابع الاستاذ سامح
هوديك بكره تتعرف علي الدكتوره لمياء وتعرف اللي حصلها
قولتله تمام واخدت رقمه وجيه تاني يوم
اتفقنا اننا هنقابل علي نفس القهوه
ومن القهوه للعماره
وعرفت منه انه ساب العماره
واشتري شقه بعيد عن العماره دي تاني لانه خلاص مش مستحمل حاجه تانيه
المهم
العماره كانت في قريه من القري اللي متوسطه كده
مش كبيره اوي ولا صغيره
بس قريه محترمه محدش يبصلي مثلا وانا ماشي علي عيني وكده لا عادي
والتعامل جميل فيها اوي
حاسس انها منعزله عن مصر
لواحدها كده بعيدا عن اي حاجه
علي قد ما هي قريه بس حسيت انها مدينه او احسن شويه
المهم وصلنا العماره كانت فعلا 3 ادوار
بس الغريبه انها فيها فخامه كده
وجمبها البيت
بس بصيت لاحظت حاجه في الشباك
لقيت واحد
ده !!
ده السفاح
وبيبصلي
وعيونه حمرا اللي باينه من الضلمه
واللي بان اسنانه لما ابتسملي ابتسامه خلتني اتخشب مكاني
بس عباس لقيته مسكني من ايدي وبيقولي يلا يا بشموهندس العماره اهي
وطلعنا لشقه الدكتوره لمياء
وخبطنا الباب
فتحتلنا ست في الاربعينات ووشها بشوش ويطمن
وقالت :اتفضلوا
كأنها كانت عارفه اننا جايين
بس الظاهر ان عباس قالها
دخلنا
وجابتنا شاي وشربنا
قولتلها :اتفضلي احكي يا دكتور
لمياء قالت :بص يا بشموهندس
انا دكتوره لمياء
تخصص بطنه
عايشه من زمان في العماره دي
مطلقه وعندي بنت اسمها ندي 12 سنه
بشتغل في مستشفي الطوارئ
--
بدأت الحكايه لما الراجل ده جيه
فاضل !!
اول لما قالت فاضل سمعت اصوات صريخ جايه من الحمام بالتحديد
بس صريخ مش عذاب
لا صريخ غضب
كأنهم غضبوا لما قالت فاضل
انا اتخضيت
بس لمياء قالت متخافوش مش هيعملوا حاجه
مافيش حاجه جديده علطول بنسمع اصوات بليل بعد الساعه 12
واتعودنا علي كده
او اتعودت انا لوحدي
علي كده
سمعت صوت تاني من الحمام صوت بنت بتقول يا ماما !!
قومت اشوف
مسكت ايدي وقالتلي اووعي تعمل كده
دي بنتي ميته وهما بيعملوا كده علشان يشدوك ل بيتهم علشان يتحكموا فيك
وياخدوك ليهم
زي ما اخدوا بنتي
وعلقوا روح بنتي
بص مش هتفهم
انا هحكيلك :من ساعت ما الراجل ده جيه
حالنا اتقلب
طبعا زي ما طبعا اكيد الاستاذ عباس قالك علي الكوابيس وكده
وتاني يوم لقيت بنتي بتجري عليا
ووشها عليه خضه رهيبه جدا
وفاتحه بؤها علي الاخر
كأنها شافت الجحيم في عنيها
طبعا هديتها شويه
وشربتها حاجه ونيمتها
بس صحيت علي صوت صريخها
 بدأت الاحظ حاجات غريبه علي بنتي
حاجات سودا في وشها بتظهر ولما بتظهر في وشها
وشها كله بيحمر جدا
وحرارتها بترتفع وتقعد تتنفض في مكانها وترتعش
وانا كدكتوره معرفتش الحاله دي
كلمت الدكتور  مايكل زميلي علي الحاله دي
قالي انه ميعرفش حاجه عن الموضوع ده واكيد ده ليه علاقه بشئ تاني
غير الطب خالص
له علاقه بالعالم الاخر
كنت محتاره اعمل ايه روحت لواحد يدعي الشيخ بركه
ليه علاقه بالحاجات دي
وقالولي انه هيفك السحر اللي عليها
اللي دلتني واحده صاحبتي
دخلنا للشيخ بعد عذاب وبنتي نامت من الانتظار وبعد دفع مبلغ محترم طبعا
ودخلنا
المكان كان ظلمه كله
باستثناء المكان اللي هو  قاعد فيه
كان فيه نار عامله اضاءه له كويسه
وكرستين جمبه
دخلنا قعدنا
وقولتله المشكله وكل الحاجات اللي حصلت ل بنتي
قالي طب قعديها هنا قدامي
وطلب مني اهدي خالص
ومطلعش اي انفعالات لانها هتشوف حاجات صعبه جدا
البنت قعدت قدامه
قالها ركزي في عيني جامد
طلع كتاب اسود من جمبه
كان الكتاب منقوش عليه رموز غريبه جدا
والكتاب شكله مرعب اصلا
وفتح وقعد يقلب الكتاب لوحده ووقف علي صفحه معينه
لقيته بيبص في عنيها جدا
والبنت قاعده قدامه مرعوبه
وبدأ يقرأ كلام بسرعه رهيبه مش فاهمه اي حاجه
بيقول كلام غريب لا وبسرعه رهيبه متتفهمش اصلا
بس انا ببص في الكتاب لقيته فاضي !!
اومال هو بيقرأ ايه !؟
وفجأه لقيت بنتي عنيها ابيضت كلها !!
لسا بقوم
افتكرت كلامه وقعدت مكاني تاني
وبنتي فتحت بؤها علي الاخر للدرجه اننا كبشر منقدرش نوصل اليها
ولقيت اصوات غضب ناس بتتعذب ولقيت بنتي بتصرخ والراجل بيصرخ
حسيت ان حد بيشد بنتي وهو بيشد بنتي
لقيت بنتي جسمها اتقطع نصين اتنين!!
كأن حد قطعها نصين
والدم غرق المكان !!
انا قاعده مرعوبه ومفزوعه وقومت علي بنتي بس اللي خشبني مكاني
لقيت اتنين واحد طويل جدا وواحد قصير وفي ايديهم سكاكين
دخلوا علي الشيخ ودبحوه !والدم علي الارض وانا قاعده مش فاهمه حاجه
وبرتعش ومرعوبه !!
انا مش فاهمه ايه ده !!؟؟
انا هعمل ايه !!؟
حسيت اني بدوخ ودماغي بتصدع
وبدأت الرؤيه تختفي لحد ما اغمي عليا
فوقت لقتني في حمام !!
ايوه في الحمام بتاع بيتنا وكله دم
وبنتي في البانيو بشكلها المرعب المدبوحه وعليها الشيخ اللي روحتله
خرجت من الحمام
لقيت واحد قدامي !!
مرعب جدا
بيتهيألي هو اللي قتل الشيخ
والطويل اللي ظهر
اه بالمناسبه الطويل كان نفسه القصير بس الفرق الطول بس
ولقيته بيبصلي وجي عليا بدأت اقول
اللهم اني اعوذ بك من همزات الشياطين واعوذ بك ربي ان يحضرون
اللهم اني اعوذ بك من همزات الشياطين واعوذ بك ربي ان يحضرون
وايه الكرسي
والراجل ده اتحرق لدرجه انه طلع دخان غطي المكان كله مع صرخات الانين المرعبه طبعا
واغم عليا
لقيتني في البيت وجمبي رساله
مكتوبه ب دم
--
ابتعدي والا الجحيم
--
فعلا بعدت وبنتي ماتت
او روحها تعلقت طبعا والصوت اللي من حمام ده صوتها بس روحها معلقه وانا من بكره هسيب البيت واروح ل امي
 ----
شكرتها طبعا وقولنالها بعد ازنك بقي معلش عطلناكي
قالت :لا عادي ولا يهمكوا !:)
ولسا هنروح للمحطه التانيه وهو الاستاذ سامح
ببص في الساعه لقيت الوقت اتأخر اتفقت مع عباس نتقابل علي القهوه ونروح للاستاذ سامح بكره بدري شويه
وروحت البيت
وانا بفكر
هو السفاح بقي شخصيتين ولا ايه
طب انا اعرفه وهو طويل
بس غريب انه فيه واحد صغير
عالعموم هنشوف بكره الاستاذ سامح هيقول ايه
وقعدت علي السرير وافكر لحد ما نمت
حلمت ان السفاح جالي
بس بالضبط زي ما قالت الدكتوره لمياء
هما اتنين
ملامحهم زي بعض
عنيهم كلها احمر دم
جسمهم اسود
بؤهم كأن الشفتين لازقين في بعض
ولقيت الكبير بيقولي ابتعد
فستموت
صحيت وانا محتار هروح ولا لا !!
بس بعد تفكير عميق قررت اني هروح
---
انتظروا الجزء الثامن :)