السفاح الجزء الرابع

بسم الله
الجزء الرابع
معلش امبارح مقدرتش اعمل حاجه لاني كنت تعبان اوي
السفاح ج4
طبعا الضابط محمود فرح خلاص
خلص مهمته وخده علي السجن و مشي
طبعا بعد ما قبضنا عليه
روحت مع الشيخ في عربيتي
وروحت البيت و نمت
والوضع كان عادي جدا زي أي يوم عادي
من الشغل للبيت للنت . بس بعد شهر
حلمت إني في مكان كبير وواسع
هوا صعب جدا اني اوصفه
بس ممكن تقولوا زي أرض صخريه كبيره كدا
 و بيطلع من كل حته نار و براكين
عارفين زي اي !!
زي الجحيم
وشوفت السفاح هناك وواقف جنبه الكلب بتاعه إلي تامر حكالي عنه
كلب كبير واسود وعيونه حمرا
والسفاح قالي كلمه واحده
"ستندم"
كان صوته مرعب وعالي وكان أول مره أسمع صوته
فجأة بعدها علطول الكلب هو هو و طلع يجري عليا
أنا إتخشبت مكاني من شكل الكلب و هو بيجري
ومسك في رجلي
ساعتها أنا قومت من النوم مرعوب من إلي شوفته ده
أنا قررت إني أروح البيت تاني أشوف فيه إيه
بإعتباري مهتم بعالم ما وراء الطبيعه و عاوز تفسير للي حصل في الحلم
وبيني وبينكوا
انا كنت فعلا ناوي اروح هناك تاني
بس قبل ما أروح سألت الشيخ محمد علي الحلم ده في التلفون
رد عليا و قالي : بص يا إبني
فاضل ده أكيد كان بيحضر جن
بس من شكل النار إلي مسكت في البيت و الأصوات المخيفه دي
أقدر أقولك إنه مش جن عادي دا جن قوي
وممكن يأذيك فحاول تبعد عن فاضل ده
وحصن نفسك بالقرآن و إن شاء الله خير
أنا طبعا بدأت أزداد شوقا للموضوع وقررت إني أروح البيت
المهم روحت الصبح ملقتش البيت خالص
روحت تاني يوم الصبح بردو البيت مش موجود ومفيش حتي آثار حرق
البيت مختفي تماما و الأرض فيها رزع و تراب
إفتكرت إني لما روحت قبل كدا مع الشيخ كنا بالليل
قررت اني هروح بليل
روحت وفعلا لقيت البيت موجود
والغريبه ان البيت سليم جدا
مع انه المفروض كان اتحرق يعني
المهم فتحت الباب براحه ودخلت
مشيت شويه لاقيت الباب بيتقفل ورايا بالراحه
ونا واقف مرعوب مش شايف حاجه
طلعت الموبايل بسرعه و شغلت الفلاش عشان أشوف
بس ملقتش حد ورا الباب
الباب كان إتقفل لواحده
بس اتفجأه باللي شوفته
شوفت الجدران بتاعت البيت كلها دم
بس مش دم مرمي
لا دا اشكال بالدم
اشكال مش فاهمها
بس الأرضيه نضيفه تماما بس كان فيه حاجه بتلمع في ركن عند الباب
روحت أشوف إيه ده لاقيت مفتاح حديد قديم
تقريبا زي المفتاح إلي الظابط محمود قالي عليه لما كان بيحكيلي قصه تامر
خدته و مشيت ناحيه السلالم إلي بتودي علي الدور التاني
بس الغريبه وانا ماشي حاسس بنفس ورايا
أبص ورايا ملاقيش حد
المهم طلعت في الدور التاني إلي المفروض كان فيه فاضل و الكلب
دخلت أوضه لاقيتها كلها أزايز وبرطمانات
مليانه عيون سليمه
ومتعلق علي السقف رجول و كفوف إيد و قطع من أجزاء بشر
أنا إترعبت إزاي الحجات دي موجوده و البيت كان إتحرق تماما
دخلت أوضه تانيه لقيت فيها سرير
سرير مش مريح تماما كإنه محشي طوب من قطن
وكان فيه ركن في الأوضه إلي فيها السرير زي محروق كدا أو إسود
دورت في الأوضه ملقتش حاجه غريبه بس فجأه
سمعت صوت باب في الدور التالت إلي فوقي
باب حديد تقريبا إتقفل جامد
طلعت من الأوضه بسرعه بنور بالكشاف فوق مش شايف حاجه
طلعت فوق بالراحه لاقيت أوضه فيها قفص حديد قديم
وهي الأوضه الوحيده إلي كان فيها نور
دخلت الأوضه ببص يمين و شمال لاقيت الباب إتقفل ورايا علطول
بحاول أفتحه مش راضي يتفتح
ببص من خرم الباب لاقيت عين حمرا بتبص عليا
إترعبت و إتنفضت لورا بسرعه وخفت آجي ناحيه الباب
ببص علي جنبي لاقيت طربيزه عليها سواطير و أسلحه حديد
زقيت الطربيزه بسرعه علي الباب خوفت حد يفتحه
فضلت قاعد في الأوضه ييجي ربع ساعه بسمع أصوات حد بيمشي
وبيحاول يفتح الباب
ونا في الأوضه خايف ومش عارف أعمل إيه
بس فجآه الصوت دا إختفي
أنا قررت إني أحرك الطربيزه و آخد ساطور و أطلع من الأوضه
طلعت من الأوضه ملقتش حد خالص والدور التالت كانت أوضه كلها فاضيه تماما ما عدا الأوضه إلي أنا فيها
نزلت بسرعه لتحت و كنت عاوز أمشي بس إفتكرت إن فيه لسا أوض مدخلتهاش في الدور التاني
دخلت في أوضه لاقيتها عاديه زي مطبخ كدا بس في كل حته دم
أنا خوفت أدخل الأوضه و روحت علي الأوضه التانيه
لاقيت في الأوضه التانيه جدار محروق و مكتوب عليه رموز غريبه
وقصاد الجدار كتب كتير
في وسطهم كتاب إسود غريب شدني
خدته من مكانه ولسا هفتحه سمعت صوت كلب من الدور التالت
إتخضيت بسرعه و طلعت أجري علي الدور الأول
بفتح الباب مش راضي يتفتح و صوت الكلب بيقرب
روحت عند شباك و رميت الساطور من الإزاز كسرته و طلعت جري من البيت
جريت بعيد عن البيت شويه لاقيت الباب إتفتح
وفيه عين حمرا بتبص منه و راح مقفول بسرعه
روحت البيت
غيرت هدومي ومسكت الكتاب
قعدت افر فيه شمال  ويمين بس مش فاهم حاجه مش قادر افهم
بس لقيت بعض الكلمات باللغه العبريه في بدايه الكتاب
وفهمتها
"كتاب تحضير المارد ****(مش عاوز أقول الإسم) ذو القدرات الخارقه"
أول لما قريت الكلمتين دول
الكتاب اتقفل لواحده وهو في ايدي
رميته علي الارض من خوفي
بس حصل حاجه غريبه
النور بدأ يقطع يطفي و يقيد تاني
والكتاب إتفتح علي صفحه معينه مكتوب فيه بالعربي
"إرجعه وإلا ستندم"
انا خوفت جدا وقررت اني هروح تاني ارجعه
الساعه كانت 3 الفجر
مراتي شافتني قالتلي إنت رايح فين دلوقتي
قلتلها ملكيش دعوة هروح مشوار بسرعه و جاي
وخرجت روحت البيت لقيت حد خرج منه
مش غريب عليا الشكل دا
 دا مين دا !!
ايوه هو
السفاح
ومد إيده و قالي هات
بنفس الصوت الغليظ إلي سمعته في الحلم
انا اتخشبت مكاني
يعني اي
هوا راح السجن ولا هنا انا مش فاهم !!
فضلت واقف لاقيته بيقرب مني قرأت آيه الكرسي
لاقيته وقع علي الأرض و بدا يشيط و يتحرق
رميت الكتاب و طلعت أجري علي عربيتي و روحت
اتصلت بالضابط محمود بعدها
قولتله بقولك
هوا فاضل هرب ؟
قالي: موجود هنا في السجن
بس خير إنك إتصلت كنت عاوزك في موضوع يا بشمهندس"
قولتله طيب نتقابل الساعه 10 عند القهوه
وفعلا الساعه عشره جيه
واليكم ما قاله
-----
صراحه السفاح دا انا مش عارف هوا اي بالضبط من ساعت ما جي السجن
وحجات غريبه بتحصل في السجن و السجين إلي معاه
مره لقينا واحد عينه الشمال اتصفت
ومره واحد إيده تتطقع كلها
وواحد نلاقيه ميت في الحمام
حطناه في الحبس الانفرادي
بس حصل حاجه غريبه
بنلاقيه طلع من الحبس و خرج برا في الإستراحه
 أو ساعات بنلاقيه في الحمام
وبيحصل كل مدة كدا نفس الحااجات
بس حصل حاجه غريبه
في يوم لقينا الضابط زميلي جثته جمب مكتبي
وعينه الشمال متصفيه ودراعه مقطوع !!
وكنا بنلاقي دم في الحمامات و كان فيه حمام إسود كإنه محروق
و السجناء إلي بيموتوا جثثهم بتختفي لما تروح المشرحه علطول
وجثه زميلي الظابط إختفت بعد ساعات من مرواحها للمشرحه
هو دا شيطان ده ولا إيه ؟
----
قولتله طيب وديني له عاوز أشوفه
قالي: لمين ؟؟
قولتله لـ فاضل !
 قالي نعم ليه ؟!؟!!!
قولتله وديني بس وملكش دعوه
انتظروا الجزء الخامس