مبعوث اخر الجزء الاول
بسم الله
قصه مبعوث اخر ج 1
قصتي غريبه نوعا ما
زي مثلا اللي بتشوفوه في الافلام الاجنبي الرعب وكدا
اعرفكوا علي نفسي
انا اسمي عادل محمد ناصر
من القاهره
عندي الوقتي 20 سنه
بدأت قصتي وانا
كان عندي 18 سنوات
في يوم من الايام كان بتاريخ
20/10/2014
كنت في البيت قاعد وجالي خبر وفاه
امي وابويا توفوا
في حادثه عربيه
انا اتأثرت جدا بالحادث دا جدا خصوصا اني كنت صغير شاب يعني وجالي عقده نفسيه
وكمان انا اصلا كنت متعلق ب بابا وماما
خصوصا اني مليش غيرهم
ولا اعرف حد من عيلتنا خالص
غير واحد بس جدي
وديما امي وابويا كانوا بيحذروني منه
--
بعدها بحوالي اسبوع كنت قاعد في البيت
الباب خبط
بفتح الباب
لقيت شخص عمري ما اتخيل اني اشوفه
لقيت جدي جيلي
وقالي يا عادل هات هدومك يلا وتعال عيش معايا في فيلتي
طبعا انا نسيت اللي قاله بابا وماما وفرحت لمجرد ان حد سأل عليا بس
وجهزت شنطتي وروحت معاه
الفيلا كانت كبيره اوووي وفخمه
وشكلها عادي يعني زي اي فيلا مافيهاش حاجه غريبه يعني
وفيه سلم في النص
بيودي لطريقين
يمين وشمال
وعلي اليمين
5 اوض
وعلي الشمال 5 اوض
بس تحت كدا ورا السلم فيه اوضه صغيره كدا مقفوله
سألته علي الاوضه دي
بيقولي دي البدروم
المهم طلعت اخدت اوضه من الاوض الكتير دي
ودخلت وحطيت حاجاتي وكله تمام
في يوم صحيت بليل الساعه 2 علي صوت الكرسي الهزاز بتاع جدي
بس الصوت جاي عالي اوي
وانا اعرف انه في الصاله
نزلت براحه علي السلالم وانا شبه خايف
نزلت لقيت الكرسي بيتهز بس مافيش حد قاعد عليه
يعني اي بقا !؟
ندهت علي جدي
مافيش حد بيرد
بس لاحظت حاجه
لحظت ان فيه علي الجدران اشكال غريبه
الاشكال دي مكانتشي موجوده اول لما جيت
هي رموز كدا مكتوبه بلون اسود
وعليه احمر
بس مش دم لا لون احمر
وحسيت ان فيه نفس ورايا
انا خايف ابص
انا مش عاوز اشوف
اي دا
بس بصيت ورايا ملقتش حاجه
وفجأه حاجه من ورا خبطتني ووقعتني علي الارض
قومت وطلعت بسرعه علي الاوضه واخدت اللحاف وغطيت وشي كله
وقعدت علي السرير
بس حسيت ان السرير مبلول
اي دا !؟
جيت منين الميه دي قومت بسرعه
لقيت دم عليها
وفيه تعبابين وصراصير عليه
خرجت من الاوضه
سمعت صوت حاجه بتتحرق
مشيت ورا الصوت
لقيت البدروم بيتحرق
يلهووووي
جدي جوا
دخلت لقيت منظر عمري ما تخيلت اني ممكن اشوفه في الحقيقه
لقيت الاوضه كلها بتولع
وجدي واقف في نص النار وكله اسود فحم
وبيتحرق والنار ماسكه فيه
وهو واقف وبيضحك
والنار خلصت عليه وبقي رماد والحريق كله اطفي
انا شوفت المنظر دا
اغم عليا
---
صحيت علي صوت جي من اوضتي
صوت حد بيضحك
بس الصوت دا مش غريب دا صوت جدي
جريت بسرعه علي الاوضه بتاعتي
لقيت الصوت اختفي
بس ببص من البلكونه
لقيت واحد طويل اوي
ومديني ظهره بس هو رفيع
وكله اسود
وبيدفن حاجه في الجنينه !
الحاجه دا
يبقي جدي
وفجأه بصلي
عيونه واسعه وطويله
ولونها ابيض كلها
البصه دي رعبتني
خلتني اتخشبت مكاني وشاورلي علي التربه
كأنه بيقولي دورك جي
نزلت بسرعه للجنينه ملقتش حاجه
دخلت تاني الفيلا
مش عارف اعمل اي
واللي شوفته دا حقيقه ولا دا اي !؟
روحت ودخلت الاوضه
لقيت الشخص اللي شوفته في الجنينه
واقف جمب السرير بتاعي
طلع ازاي دا !؟
وجيه امتا!
باصص في الارض
وفجأه
بصلي بنظرته المرعبه
بصته دي
خلتني اتمني الموت ميت مره
وقال
عندما تدخل السلاله في اعماق الظلام ينتقل العهد من جيل لأخر
النور قعد يفصل ويجي
كتير
وفجأه قفل ومعدش جيه
وحسيت اني دوخت واغم عليا
صحيت من النوم
حسيت اني دايخ
بس فاكر كل حاجه حصلتلي
اكيد دا كابوس صح دا كابوس
واتشجعت كدا ونزلت الصاله
ببص علي البدروم لقيته سليم مافيش اثار حرق
بس لقيت علي الطربيزه بتاعت السفره
صندوق شكله قديم جدا
قربت علشان اشوفه
النور قطع
سمعت صوت
الصوت دا صوت غليظ
بيقول كلام مش مفهوم
نورت بالفلاش بتاعي
لقيت حاجه خلتني اتخشب مكاني
-------------------------------
نهايه الجزء الاول امنظروا الجزء التاني !
أترك تعليقًا