السفاح الجزء الخامس
بسم الله
السفاح ج ٥
قعدت معاه في أوضه الإستقبال وفضلت اكلمه ميردش
أكلمه عن الناس إلي قتلها و عن القريه
أكلمه عن تامر و صحابه إلي ماتوا عنده في البيت و جثثهم إختفت
مفيش فايده مبيردش
المقابله إنتهت و روحت البيت
وأنا في طريقي للبيت في العربيه
ببص في المرايه الخلفيه لاقيت الكلب
أيوا الكلب إلي شوفته في الحلم
كان في الكرسي إلي ورا
أنا إترعبت جامد و فرملت في نص الطريق
ونطيت من العربيه و هي كانت لسا بتتحرك كمان
والعربيه إتخبطت في شجره قدام كدا
روحت عند العربيه ببص ورا مش لاقي حاجه
أنا إتصلت علي حد يشوفلي العربيه لإنها علطت و الموتور باظ
صلحتها و روحت البيت بعد ساعتين عطله علي الطريق
كملت يومي عادي و قولت أروحل لفاضل تاني بكرا
بس مراتي كانت شاكه فيا إني بعمل حاجه و مش عارفه
كلمتني و قالتلي : إنت كنت فين ؟
قلتلها كنت بزور حد في السجن
قالتلي حد مين ده ؟؟؟؟
قلتلها دا الشخص إلي كنت كلمت الظابط محمود عليه و كدا
السفاح إلي إتقبض عليه
قالتلي طب متروحلوش تاني أنا خايفه عليك دا سفاح
قلتلها دا في السجن يا حبيبتي متخافيش ميقدرش يعملي حاجه
أنا بس بستفسر منه شويه تفاصيل بس
نامي إنتي دلوقتي و متخافيش عليا
صحيت الصبح و روحت لفاضل في السجن
وقعدت معاه في الأوضه و فضلت أكلمه عن البيت بتاعه
وإنه ولع و رجع تاني إزاي ؟
بس برضو مبيردش
أنا زهقت فقولتله أنا شوفتك في البيت هناك ؟ إنت طلعت من السجن إزاي
بصلي بصه مخيفه كدا بس مردش
قولتله : هو إيه الكتاب ده ؟ إنت بتحضر جن ؟؟؟
لاقيته فجأه راح معورني في إيدي بضوافره وقام كان عايز يخنقني
بس الحراس مسكوه و خدوه علي الزنزانه
بس قبل ما يمشي بصلي و قالي "هتندم" بصوته المرعب الغليظ
أنا مشيت من السجن
وركبت العربيه و مشيت
ونا في ن الطريق مراتي إتصلت بيا وكانت بتعيط
وقالتلي : يا احمد تعالي بسرعه إلحقنا
قولتلها فيه إيه ؟؟؟؟؟؟
قاالتلي إبنك في المستشفي تعالي بسرعه
طلعت بالعربيه بسرعه علي المستشفي روحت لاقيت مراتي
بقولها فيه إيه ؟ إبني ماله ؟
قالتلي الناس إلي لحقوه هما إلي قالولي أنا مشوفتش حاجه
قالولي إن فيه كلب أسمر كبير هجم عليه و رجله إتقطعت خالص
لولا الناس لحقته كان الكلب موته خالص
ظابط ضربه تلت مرات عشان يموت
أنا خايفه علي إبننا أوي يا محمد قلتلها متخافش لا هيتعالج بإذن الله
المهم فضلت شهر مع إبني و مروحتش لفاضل ده خالص
وبطلت أحلم بيه و بالكلب بتاعه
بس قررت إني أروح أشوفه في يوم
روحتله قعدت قصاده فضل ميتكلمش
قولتله إنت بتهرب من السجن إزاي؟؟؟ و إيه الكلب إلي معاك ده ؟
كنت متنرفز ساعتها
بصلي و سكت
قولتله أنا ممكن أوديك في داهيه أكلم أي حد يتصرف و يلبسك إعدام
"أنا نسيت أقول إنه كان محكوم عليه 25 سنه سجن لإن مثبتش عليه جريمه قتل
مفيش أي أثر لأي جثه هو قتلها و الشهود مكنش عندهم أي دليل
غير إنهم يعرفوا المقتول لكن مفيش أي دليل
وكل ما فرق البحث و التفتيش تروح البيت متلاقيهوش و إفتكروا إن البيت مش موجود"
لاقيته قام وقف و بصلي ولاقيت عينه حمرا
وقالي إعدام أو 100 سنه سجن هفضل أعمل إلي بعمله لو إعتضرت طريقي هتموت
الحارس جه و كان بيمسك فيه عشان ميضربش أو يتهور
راح ضارب الحارس في دماغه و أخد منه السلاح
وضربه في دماغه و جه عشان يضربني الحرس إلي برا دخلوا و مسكوه و وقعوه علي الأرض
والحارس هدده إنه هيضرب بالنار لو مسكتش و نام علي الأرض و إيده ورا ضهره
بس هو قام ولسا هيهجم
الحارس ضربه بالنار في دماغه
أنا ساعتها إترعبت من الموقف كله وفضلت أقول للحرس
ممكن يقوم تاني مبيأثرش فيه الرصاص بس هما مكنوش مصدقيني
حسبوني بخرف و طلعوني برا الأوضه
بس الغريبه إنه مقامش
كان مات
أيوا مات السفاح مات أخيرا
الحراس راحوا الأوضه كلهم عشان يشوفوا الجثه و بيخلوا المكان من الزوار
ونا طلعت برا السجن ورايح للعربيه سمعت صوت ضرب نار كتير جوا السجن
وصوت صويت و خبط في الجدران
وصوت كلب بيهوهو
أنا قلت أكيد الكلب دا ظهر تاني وهو إلي بيضربوه بالنار ده
أنا فضلت واقف شويه بس إلي برا السجن كلهم طلعوا يجروا و خافوا
أنا قلت أدخل أشوف إيه إلي حصل
وشوفت منظر مرعب جدا
كل الحراس بداخل السجن موتي
والدم في كل حته علي الجدران
والحراس متقطعين حتت وإلي دماغه مفعوصه وإلي محروق
بس المسجونين مماتوش
ولاحظت من بعيد الكلب
أيوا هو نفس منظره المخيف
وكان باصصلي بعينه الحمرا و مبين سنانه و لقيت فاضل طلع من الأوضه
ودماغه كلها دم وفإيده مسدس
وقالي " إبعد و متجيش تاني " وراح ضاربني بالرصاصه في بطني
أنا وقعت علي الأرض و اغمي عليا من الخوف قبل الرصاصه
لإن المنظر كان مخيف جدا والدم في كل حته و الناس متقطعه حواليا
حلمت حلم غريب ونا مغمي عليا
حلمت إني في مكان واسع مليان شجر زي غابه
بس الشجر كله صغير
ولاقيت الكلب و السفاح كانوا واقفين بعاد عني
والسفاح قالي "إن إتدخلت في حياتي تاني هقتلك
إبعد عني
أنا هسيبك تعيش عشان إنت أكتر واحد غريب شوفته
فيك حاجه المارد مش قادر يقتلك عشانها
إهرب و إبعد عشان متتأذيش"و فجأه
الصحرا كلها ولعت
والأرض كانت بتنفجر و النار بقت في كل حته وصوت ناس كتير بتتعذب
وكلاب و حجات سودا غريبه بتتحرك حواليا
وإتخضيت و صحيت فجأه
صحيت علي صوت الدكتور في أوضه في المستشفي
قالي حمد الله علي السلامه يا بطل عامل إيه دلوقتي ؟؟؟
قولتله هو حصل إيه ؟ أنا فين
قالي إنتا في المستشفي
حصل هجوم علي السجن و ناس كتير ماتت و إنت إلي عيشت من المصابين
قولتله هجوم إيه ؟؟؟ هو كان فيه هجوم؟؟
قالي معرفش هما مش عارفين مين الي عمل كدا
الدعم جه لقا كله ميت و فيه جثث مش لاقيينها
وقالوا إن فيه حد جه و ضرب الناس في السجن مش عارف مقالوليش
قلتله أنا بقالي هنا أد إيه
قالي إنت بقالك شهر في المستشفي
قلتله طب محدش سأل عليا طيب ؟
قالي لا محدش جه خالص
قلت في نفسي هو إلي أنا شوفته دا بجد ؟؟
ومراتي مجتش ليه \؟ أما أقوم أتصل بيها
بحط إيدي علي وشي
إيه ده ؟؟؟؟؟
فين عيني الشمال ؟؟؟؟؟؟
عيني الشمال إتصفت خالص مش موجوده
أنا مكنتش شايف بيها بس بحسبها مزغلله
إيه إلي حصل بالظبط في السجن ؟؟؟؟؟
قولت أتصل بمراتي بقا
دورت في الحجات بتاعتي إلي جبوهالي
وجبت الموبايل وبتصل برقم مراتي مبيردش
أتصلت كذا مره مرضيتش
لما زهقت قولتلهم أنا هطلع من المستشفي إمتي قالولي إنهاردا لو عاوز
صحتك مستقره و تقدر تتحرك
نزلت و روحت البيت بدور علي مراتي و إبني مش لاقيهم
بس لاقيت ورقه مكتوبه من مراتي
الورقه كان فيها : أنا كنت شاكه إنك بتخوني
بس إتأكدت
أنا عرفت كل حاجه عنك و عن إلي بتحبها و بتروح تخوني معاها
أنا سبتلك البيت ومش جايه
وهاخد إبني أربيه أنا أنا مش قاعده معاك تاني
الراجل صاحبك إلي قالي
كان طويل و عينه الشمال متصفيه"
قولت في نفسي
عينيه متصفيه ؟؟؟؟؟
السفاح ؟؟؟؟!!!!
السفاح قالي هتندم
معقول يكون عمل كدا ؟؟؟
أنا حياتي إدمرت بعد مقابلتي للسفاح ده
بعدها السفاح إختفي تماما و روحت كاذا مره للبيت بالليل و بالصبح
مش موجود و أثره إختفي من السجن تماما و كل الأوراق بتاعته مش موجوده
والجثث إلي قتلها برضو ملهاش أي أثر
السفاح ظهر دمرلي حياتي و إختفي
انتظرو الجزء السادس
أترك تعليقًا