السفاح الجزء السادس

بسم الله
----
عالم ما وراء
الطبيعه عالم كبير
كبير جدا وصعب جدا ان الانسان يتعامل معاه
  ولو حاول يكمل هيحصله حاجات مش لطيفه خالص
بس عيبه انه بيشدك
بيشدك انك تعرف خصوصا لو انت فضولي
بس انا خسرت عيني الشمال بسبب الموضوع فا كده كده مكمل
اكيد عاوزين تعرفوا انا مين
انا اسمي  البشموهندس احمد عايش في القاهره 25 سنه
ايوه انا رجعت
انا اللي وقفت في وش السفاح
انا دورت وراه
وفي الاخر خسرت حياتي وشغلي ومراتي وعيالي
الفتره اللي غيبت فيها كان اهتمامي منصب علي عالم ما وراء الطبيعه
علشان افهم حقيقه السفاح
ولحد الوقتي موصلتش للحقيقه
وكنت بحاول اتكيف واقنع نفسي اني هقدر اعيش بعين واحده
لحد ما جالي اتصال من شخص !
---
انا :الو ..
مافيش رد
--
اتصال تاني
--
انا :الووو
الووو
.:لقيت واحد بيكلمني وبينهج مش قادر ياخد نفسه وبيقولي البشموهندس احمد ؟
انا :ايوه انا البشموهندس احمد مين حضرتك ؟
.:حضرتك انا عاوزك ضروري جدا جدا
اقدر اقابل حضرتك فين بكره
انا اديته العنوان اللي يقدر يجيلي فيه
كان ع مكان المعلمين
القهوه طبعا
---
جالي تاني يوم الموعد كان الساعه 10 الصبح
روحت 9 ونص وشربت حاجه لما يجي
وجي الراجل
كان بيتلفت حواليه وخايف كأنه قتل حد
بس لاحظت حاجه
ان دراعه الشمال مقطوع وعينه الشمال متصفيه برضو !!!
دي مش اول مره
لقيت الراجل جيه وقعد
وسلم عليا
وقال :بص يا بشموهندس
انا اسمي عباس  عايش في قريه في القاهره صغيره
قريه صغيره يعني الناس كلنا حبايب في بعض كده
واحنا ساكنين في عماره وفيه بيت صغير كده جمبها
البيت ده كان ارضي كده
كان للايجار  وواحد
جيه اجره
شكله غريب ومرعب نوعا ما
وشكله مش طبيعي
ومن اول يوم والحال بقي غير الحال بعد سكن الراجل الغريب ده
العماره كل سكانها بيحلموا ب كوابيس
وانا كنت فاكر ان انا بس ومراتي بس لما لقيت سكان العماره بيتكلموا عرفت اني مش لواحدي
وحصلت حاجات غريبه جدا
ممكن تيجي حضرتك تسمعها من سكان العماره
وطبعا بعد كل اللي حصل الناس كانت عاوزه تعرف اسم الراجل ده
لما عرفوا انه مش فالبيت
دخلوا يشوفوا
كانوا حوالي 10 داخلين
واللي طلع منهم 2 وكان عيونهم الشمال مخلوعه وشكلهم كأنهم دخلوا مدبحه
بيقولوا انهم اول ما شافوا اسمه في البطاقه فاضل
جيت حاجات زي سكاكين كدا بتتحرك وخطاف نزل ما فوق وشال رقاب ناس وقطع ايادي وسكاكين بتدبح الايادي ورجليهم
واتنين اللي خرجوا بالعافيه
وانا هحكي قصتي
انا تالت يوم بالضبط
صحيت علي صوت مراتي بعد الفجر بتصرخ
وبتشد في شعرها
وبتقول
:لا سبوني
مش عاوزه اموت !
سبووني
هديتها وجبتلها ميه بس المفجأه انها كسرت الكوبايه ب سنانها
قولت مراتي اكيد جالها حاله نفسيه
سبتها لواحدها في الاوضه وقفلت عليها
وروحت جبت شيخ
قرأ عليها قران ونامت وهديت
صحيت
روحت الشغل جيت من الشغل لقيتها بتعيط
بس صوت العياط ده منين !!؟
من الحمام
دخلت عليها لقيتها واقفه في ركن من اركان الحمام وبتقول
:انت عاوز مني ايه حرام عليك ارحمني بقي
بس الظاهر انها كانت بتكلم حد اقصر منها
لانها بتبص تحت
ببص لعنيها لقيتها حمرا
مش حمرا اللي هو منمتش
لا حمار اوي
وبصلتي
واغم عليها
اخدتها بسرعه لقيتها باب الحمام اتقفل علينا
والنور قطع
انا مش عارف اعمل ايه !!
اقول قرأن وانا في الحمام !!
ولا استني
بس شوفته
شوفت عيون بيضه
تخيلوا انا في الحمام
وكله ظلمه ومش شايف حاجه غير عيون بيضه
الظاهر انه كان شخص قصير وقرب مني
حسيت ان مسك في دراعي حاولت اشده منه لكنه كان بياكل فيه
حاولت اشيله بس لما وقع علي الارض
اتفجأه اني لقيت مراتي فاقت
هتقولي شوفتها ازاي
هقولك عنيها الحمرا كانت قدامي بس
وبتقرب مني
ولقيتها مسكت في دراعي وبتاكل فيه
واغم عليا
فوقت لقيت نفسي في مستشفي
بشوف دراعي لقيته كله دم وكأنه اتقطع
هو فعلا اتقطع
وجمبي الدكتور ومربطلي الجرح
وجمبي مراتي سليمه بس بؤها كلها دم
وفي ايدها سكينه
الاستاذ سامح قال :حمد لله علي سلامتك انتوا مجانين انتوا كنتوا بتعملوا ليه كده امبارح !!
قولتله عملت ايه ؟
قال انا كنت ماشي طالع
لقيت باب الشقه مفتوح وفيه حاجات واقعه علي الارض
وانت قاعد بتضحك
قولت ادخل اطمن دخلت
لقيتكوا انتوا الاتنين واقفين في الحمام
ومدام سالي مرات حضرتك ماسكه دراعك وبتقطع فيه بالسكينه
وانت قاعد بتضحك وفرحان
جبت خشبه علي الارض وضربتها علي دماغها
هي اغمي عليها
وانت اغم عليك
واتصلت بالاسعاف
-
اضاف الدكتور :مراتك غريبه جدا احنا حاولنا ناخد منها السكينه بس مش معقول
ايديها متبته فيها جامد جدا
مش عارفين نشيلها خالص
ولو شيلناها هنضطر نقطع دراعها
وصحيت بليل الساعه 2 بعد نص الليل
حسيت ب حركه في الاوضه بتاعت المستشفي
ولقيت الباب بيتفتح بتاع الاوضه
بس دي سالي !!
سالي انتي رايحه فين
بصلتي وضحكت ومشت
مشيت وراها
لقيتها ماشيه في الطرقه جريت وراها علشان اوقفها
لقيتها جرت ب سرعه رهيبه
وبعد شويه روحت البيت بتاع فاضل مش عارف ليه حسيت انها هتبقي هناك
روحت البيت
لقيت جثتها
ايوه جثه سالي
عنيها بيضه كلها
ومدبوحه
وفاتحه بؤها علي الاخر
وشعرها ابيض كله
وجسمها ازرق
بصتلها
وبقرب منها كده
لقيتها مسكت في عيني وخلعتها
جريت بسرعه
ومشيت من البيت
ده مش عاوز اعيش تاني في العماره دي
وروحت عيشت عند ابويا وامي
---
قولتله طيب يا استاذ عباس تعرف توديني ل العماره اكلم الناس
قالي :ايوه طبعا يا بشموهندس منا هعمل كده اصلا
بص هما 4 ادوار
الدور الاول ده فاضي
التاني بتاعي
الثالث الدكتوره لمياء
الرابع الاستاذ سامح
هوديك بكره تتعرف علي الدكتوره لمياء وتعرف اللي حصلها
قولتله تمام واخدت رقمه وجيه تاني يوم روحنا !
---
انتظروا الجزء السابع