السفاح الجزء الثالث
بسم الله
السفاح ج ٣
نزلت بسرعه بس من غير صوت للأوضه الاولي اللي كان فيها المفتاح
بس مكنتش سامع صوت السفاح وهو بيقطع اللحمه
قولت هتلاقيه مشي ولا طلع ولا مشغول في حاجه تانيه
انا أجيب المفتاح بسرعه قبل ما ييجي
دخلت الأوضه لاقيت باب حديد كبير مكان الجدار المفتوح
مكتوب عليه كلام غريب مش عارف أقراه
لغه غريبه و المفتاح كان إتحرك من مكانه راح بعيد في آخر الأوضه
روحت أجيب المفتاح لاقيت باب الأوضه بيتقفل براحه
ببص لاقيت الباب الحديد إختفي و باب الأوضه مقفول
روحت أفتح باب الأوضه لاقيته مقفول جامد حد قافله من برا
ببص علي مكانالمفتاح لاقيته زي المفتاح بالظبط
مسكت المفتاح بسرعه و فتحت الباب سمعت صوت صويت فوق
طلعت جري لاقيت سيخ حديد علي الأرض قولت أمسكه أدافع بيه عن نفسي
طلعت لاقيت المنظر الآتي
السفاح كان طلع فوق ليهم مسك سميه و علق في رقبتها خطاف حديد
وعلي كان بيسرخ علي آخره "لااا لااااا"
وراح معلق الخطاف في حديده في السقف
ومعاه زي سكينه رفيعه بيطلع بيها عينها الشمال
انا إترعبت طلعت أجري جري برا البيت ده
ونا بنزل علي السلالم إتكعبلت في حاجه
كان هو سمع صوتي هو و الكلب الي معاه
نزلت جري بسرعه عند الباب أفتح فيه مش بيفتح
فجآه حسيت بالكلب بيعض رجلي وبيشدني لورا
ولاقيت السفاح لسا علي السلالم
أنا مسكت السيخ إلي في إيدي و قعدت أضرب بيه الكلب لحد ما مات
بس كان هو وصل وضربني بساطور علي إيدي علي كتفي صرخت جامد
وضربته بسرعه بالسيخ في صدره بس مأثرش فيه
وفضل ماسكني من دراعي بيسحب فيا
أنا فضلت أقري آيه الكرسي
لاقيته بيصرخ ووقع علي الأرض والنار مسكت فيه
أنا طلعت بسرعه جري من البيت ده وروحت القريه عند الراجل العجوز
الراجل أول ما شافني دخلني بيته بسرعه و جاب قماش و سدلي بيه الجرح
أنا الصراحه دوخت من الدم إلي فقدته و اغمي عليا
صحيت علي صوت الراجل العجوز قالي إصحي يبني بسرعه
قولتله إيه ؟ إيه الي حصل ؟
قالي إنت جيتلي إمبارح مليان دم إيه إلي حصل ؟؟ و فين الي كانوا معاك ؟
قولتله ماتوا السفاح ده قتلهم
قالي إنت لازم تمشي من هنا بسرعه
دا فتحي إلي كلمتك عنه إلي عنده عربيه
صلحلك عربيتك وهيوصلك هناك عشان رجلك مصابه
خد عربيتك و إمشي من هنا يبني قبل ما ييجي تاني
فتحي سندني لحد ما وصلنا عند العربيه
بس الغريب البيت مكنش موجود
انا فاكر مكانه بالتحديد بس البيت مش موجود و مكانه فاضي
لما وصلت للعربيه فتحي مشي
ونا شغلت العربيه و جيتلك علي هنا علطول يا حضرت الظابط
عشان تشوفوا حل في الراجل ده
---
هو حكالي كل ده قولتله طب أنا هشوف الموضوع تعالي معايا
خدت معايا المسدس وروحت معاه في العربيه
نزلني هو بعيد و قالي أنا مش مكمل هناك
أنا رجلي متعوره مش هعرف أكمل و مش عاوز أروح هناك
نزلت من العربيه و روحت للقريه و إتكلمت مع الراجل العجوز وقالي كل حاجه
قالي إنه طفل شوارع و إسمه فاضل و شاف الذل و العذاب و إتجنن
والبيت دا سارقه وبينزل القريه ياخد أكل و حيوانات صاحيه
ولو حد دايقه أو وقف قصاده بياخده معاه البيت يشيل عينه الشمال و يعذبه ويأكله للكلب بتاعه
أنا سمعت كلام الراجل
مسكتش قولت هروح اديله طلقتين هيموت
روحت البيت خبطت
مافيش حد
خبطت تاني
لقيت الباب اتفتح واتشديت ل جوا بسرعه رهيبه
فتحت عيني لقيت نفسي في مكان ضلمه
وفجأه النور فتح
ولقيته !
ايوه لقيته هوا بشكله المرعب دا
طلعت المسدس أضربه طلقه يقف 5 ثواني ويكمل مشي تاني
أضربه يكمل تاني ولا كأن الرصاصه بتيجي فيه
ومفيش دم بينزل والجرح يختفي بعد الضربه
واتكرر دا لحد ما المسدس فضي
لاقيت ساطور كبير علي الأرض مسكته و قربت منه و ضربته علي رقبته
لاقيته مسك الساطور و شاله من رقبته ولا كإن حاجه حصلت
طلعت اجري منه لقيت شباك لسا هنط منه
رماني بالساطور وقطع ايدي زي ما انت شايف كدا ونطيت من الشباك وطلبت قوات يجولي البيت دا بس الغريبه لما القوات وصلوا
البيت اختفي
ايوه اختفي !!
طبعا وانا مكسوف هقول اي للقوات اللي جوم دول
بس هما حسوا ان اعصابي بايظه وودوني للمستشفي
وأخدوا تامر وودوه المستشفي هو كمان
وإحنا فعلا كنا محتاجين كدا
-----
دا كان اللي حكاه الضابط
--
انا قولتله طب تمام
بالنسبه للراجل دا سفاح محترف جدا
بس مش ملاحظ حاجه غريبه !!؟
قالي اي هي !؟
قالي انه انسان ولما اخد الطلقات عادي !
قالي طب ايش عرفك انه انسان
دا حتي الراجل بتاع العربيه دا قال ايه الكرسي اتحرق
قولتله طب مدام اتحرق ليه لما جينا لقيناه !؟
الموضوع اكبر من كدا
انا حسب معرفتي وقرأتي
انه بيسخدم الجن في حمايته
قالي طب والحل
قولتله الحل
تعال نجيب شيخ حالا ونروحله
جبنا الشيخ فعلا
اسمه الشيخ محمد
عارف في الحاجات دي الجن وكدا يعني
اخدناه وروحنا البيت
الشيخ محمد طلع ميه من ازازه في الشنطه
وقرأ قران عليها
كتير يجي ساعه
ورش حوالين البيت وقال ايات من سوره النور
وقرأ سوره البقره
البيت ولع بس فيه حاجه غريبه حصلت
سمعنا صوت حد بيتعذب
واصوات كتيره ناس بتتعذب
بس صوت الحد دا شكله هو والصوت كان عالي لدرجه انك تعرف تميز بينهم
ودخلنا
لقيناه ايوه لقيناه
لقينا فاضل
كان مرمي علي الأرض وسط الدم و السكاكين
القوات جت و مسكته و قبضت عليه
..
اللي مشافشي القصه من الاول يشوف الجزء الاول والتاني
والقصه لسا فيها اجزاء
أترك تعليقًا