السفاح الجزء الاول
--------
السفاح
انا اسمي احمد
او البشمهندس احمد الصراحه مش بحب حد يقولي احمد حاف كدا
عندي 25 سنه متجوز وعندي ولدين
مهتم بعالم ما وراء الطبيعه
وعشان كدا فيه ناس بتتصل بيا علشان تحكيلي
المهم النهاردا جالي اتصال من شخص اسمه محمود
وقال انه عاوزني ضروري
اخدت العنوان اللي هروحله بيه وروحت
كان علي قهوه بالتحديد
طلبت شاي وشربته لما يكون جيه
جيه سلم عليا بس بايده الشمال
بقوله طب مش بتسلم باليمين ليه ؟
راح موريني إيده اليمين و كانت مقطوعه !!
قولتله طب اتفضل
قالي اعرفك بنفسي
انا اسمي محمود سعد
30 سنه
ضابط في القسم اللي جمب القهوه دا
وهكحيلك علي حكايه جماعه كدا
بما ان حضرتك مهتم بعالم ما وراء الطبيعه تفسر لنا اللي بيحصل
في يوم من الأيام جالي شخص حكالي القصه دي :-
---
بص يا حضرت الظابط أنا إسمي تامر و كنت مسافر مع إتنين صحابي
علي و أخته سميه كنا مسافرين بعربيه علي رايحين المصيف
وعربيته عطلت في الطريق كنا المغرب ساعتها نزلنا انا و علي نشوف أي مكان قريب
نطلب منه مساعده في تصليح العربيه بتاعتنا
فضلنا ماشيين شويه كدا لحد ما لقينا بيت
بيت كئيب و مرعب انا و علي مستريحناش لما شوفنا البيت ده
بس علي قالي " إنت خايف ولا إيه يا تامر؟ بتخاف من العفاريت ؟؟؟ "
وضحك بعدها ضحكه خفيفه كدا
قولتله بطل إستظراف مفيش الكلام ده
وبعدين دا أملنا الوحيد زي منتا شايف المنطقه كلها مفيهاش بني آدم
قالي طب يلا بينا
روحنا البيت بنخبط علي الباب محدش بيرد
بس سامعين صوت حجات بتتحرك جوا
نخبط تاني مفيش حد بيرد بس سمعنا صوت كلاب جوا
قلت لعلي بلاش أنا بخاف من الكلاب و شكل مفيش حد هنا
يلا بينا نمشي
قالي طب إستني بس
راح عند الشبابيك بص شاف نور خافت كدا وشاف علي الأرضيه
حديد و سكاكين و جنزير ودم كتير علي الأرض
والبيت فاضي تماما
قالي تعالي يا تامر بسرعه بص
أنا إترعبت من الدم و السكاكين دي و
قولت لعلي لا يلا بينا أحسن عشان ميحصلش حاجه مش كويسه
الناس إلي هنا شكلهم مجرمين ولسا سامعين صوت كلاب مش ناقصين
قالي "دا مفيش حد رد يبني هتلاقي البيت فاضي دلوقتي
تعالي نكسر الباب و نخش ناخد كام صوره كدا "
قلتله علي جثتي محدش داخل هنا يلا بينا
وشديته و مشينا شويه قدام البيت كدا لاقينا طريق طويل كدا
غير الطريق السريع بتاع العربيات
علي قالي " طب تعالي بقا نشوف الطريق ده طالما مش عاجبك البيت"
قولتله طب يلا بينا
مشينا شويه في الطريق مكنش فيه نور بس كنا في نص الشهر العربي
والقمر كان منور ساعتها إناره خفيفه كدا
وإحنا ماشيين لاقينا خيال من بعيد كدا
علي قال "أخيرا لاقينا حد في الصحرا دي "
لسا طالع يجري ناحيه الراجل مسكته من دراعه و قولتله إسمع كدا ؟؟؟؟
سمعنا صوت حد بيصوت وبيعيط جامد
قولت لعلي تعالي بسرعه فيه شجرا كانت ورانا من شويه تعالي نستخبي وراها
علي سمع الصوت وطلع يجري معايا علي الشجره
إستخبينا ورا الشجره منتظرين الراجل دا ييجي
بنبص لاقينا راجل طويل كدا هضبه بس ملامحه مش باينه من الضلمه
وماسك في إيده عصايا حديد طويله و عريضه و في إيده التانيه جنزير
وساحب وراه راجل غارز في رجله حديده ساحبه منها
والراجل شغال يعيط ويسرخ
فجآة !! تلفون علي رن
علي طلع التلفون بسرعه و قفله وقال "هو دا وقتك؟"
الراجل التاني وقف كدا و بص يمين و شمال بيحاول يسمع حاجه
بس الراجل إلي ساحبه كان بيصوت علي آخره
لاقينا الراجل الطويل ده رايحله و ضاربه بالحديده علي دماغه الراجل سكت
أنا و علي كنا في نص هدومنا شويه و هنموت
بس الراجل كمل مشي و سحب الراجل و مشي بعيد
وإحنا فضلنا واقفين عند الشجره ييجي خمس دقايق بنفهم هو حصل إيه
لاقيت علي طلع الموبايل و بيشوف مين الي كان بيتصل
طلعت أخته ..... سميه
إتصل بيها قالتله"إيه يا علي إنتوا فين ؟؟؟ أنا قاعده لوحدي في العربيه "
قالها "إحنا هنا أهو كنا بندور علي حد مش لاقيين
إنتي كويسه ؟؟"
قالتله "أيوا أنا تمام , أيوا صحيح فيه حد دخل البيت الي إنتوا كنتوا روحتوله
وكان ساحب حاجه تقريبا"
قالها "اوعي تطلعي من العربيه إحنا جايينلك أهو اصبري شويه"
أنا قلت لعلي يلا بينا نروح للعربيه ونتصل بحد ييجيلنا هناك
أحسن ما يحصلنا حاجه هنا
قالي لا لازم نروح لآخر الطريق ده نشوف إيه الي بيحصل
لإني مش هروح ورا الراجل المرعب ده لحسن يحطني مكان الراجل الي علي الأرض
قلتله لو لاقينا حاجه هاخد بعضي و أرجع علطول تيجي معايا أ متجيش مليش دعوة
قالي ماشي متخافش
مشينا لآخر الطريق مع الدم لاقينا نفسنا وصلنا لقريه كدا
انتظرو الجزء الثاني
أترك تعليقًا