السفاح الجزء الثامن

بسم الله
السفاح ج8
روحت البيت
وانا بفكر
هو السفاح بقي شخصيتين ولا ايه
طب انا اعرفه وهو طويل
بس غريب انه فيه واحد صغير
عالعموم هنشوف بكره الاستاذ سامح هيقول ايه
وقعدت علي السرير وافكر لحد ما نمت
حلمت ان السفاح جالي
بس بالضبط زي ما قالت الدكتوره لمياء
هما اتنين
ملامحهم زي بعض
عنيهم كلها احمر دم
جسمهم اسود
بؤهم كأن الشفتين لازقين في بعض
ولقيت الكبير بيقولي ابتعد
فستموت
صحيت وانا محتار هروح ولا لا !!
بس بعد تفكير عميق قررت اني هروح
ههه مهو انا لازم اروح
مفيش حل غير اني اكمل !!
انا مش بقيت خايف من السفاح !!!!
تاني يوم
لبست ولسا بنزل لقيت صوت في الصاله
صوت حد بيتكلم
الصوت ده مش غريب عليا !!!
ده صوت مراتي !!!!؟
نزلت بسرعه
لقيتها واقفه بس منظرها عمري ما شوفته !!
وشها كله محروق
وعنيها بيضه
وشعرها ابيض
وجسمها ازرق !!؟
انا قدامي واحده ميته !!!
بس اكيد ملامحها انا عارفها دي مراتي
لسا بنطق :ساميه !!
انتي جيتي يا حبيبتي
لقيت اتنين طالعين من وراها !!!
ثواني
دول ولادي !!
بس لاحظت ان واحد منهم رجله مقطوعه !!
ايوه هو بالمناسبه هو اسمه احمد
احمد !!
انت بقيت كويس !!؟
لقيته في ايده سكينه
وكلها دم
ومحروق برضو
رجعت خطوه ل ورا لقيت ابني التاني !!
محمود
ومحروق برضو !!
والثلاثه بصولي وبيضحكولي ضحكه مرعبه !!
سنانهم كلها بتنزل دم !!!
انا اتخشبت مكاني !!!
ولقيت مراتي !!
فتحت بؤها وكلمتني بس مش صوتها ده !!!
ده صوت فاضل !!
قال كلمه واحد
الجحيم !!
الجحيم !!
انا جريت بسرعه دخلت الاوضه وقفلت الباب
ونزلت علي الماسوره جمب شباك الاوضه وجريت بعيد عن البيت !!
بس بصيت من بعيد
لقيت الاوضه بتتحرق والدخان طالع منها !!
جريت تاني اشوف لقيت الناس بتقول انها سامعه اصوات ست وعيلين معاها بيصوتوا !!فوق حد يطلع يشوف
واحد منهم جرئ طلع وانا كل ده بتفرج منا خايف
بس المفجأه اننا لقيناه مرمي من الشباك مدبوح مقطوع رقبته ومحروق !!!
الناس بعدت وخافت
انا هروح فين !!
اروح فين يااارب !!
ايوه صح انا هروح لأبوها وامها ده الحل الوحيد
الموبايل بيرن !
---
عباس :الو يا بشموهندس انا بقالي ساعه مستنيك انت فين ؟
انا :معلش يا استاذ عباس حصلي ظروف انا اسف واتأسف ل الاستاذ سامح
بالنيابه عني وقوله اني هجيلك بكره ان شاء الله
عباس :خلاص تمام مافيش مشاكل
بس انت عندك حد تعبان او حاجه او محتاج مساعده !!؟
انا :لالا بس ..صراحه اه عاوز مساعده بس
عباس :اؤمرني عنيا يا بشموهندس
انا :محتاج عربيه بس علشان رايح مشوار ضروري
عباس :خلاص تمام خد عربيتي تعال علي القهوه
انا :تمام يا حبيبي جايلك
----
روحتله علي القهوه وسلمت عليه
واخدني البيت بتاعه واداني المفتاح وقالي :حافظ عليها
بس انت رايح فين !!؟
انا :رايح اشوف عمي في الشرقيه اصله  تعبان اوي
عباس :خلاص علي بركه الله محتاجني معاك ؟
انا :لا شكرا الله يخليك كتر خير
----
ركبت وروحت لحماتي وحمايا
ودخلت البيت
خبطت
حماتي فتحت !
بصلتي بصه كلها غضب
وقفلت الباب في وشي !!
انا مش فاهم فيه ايه
خبطت تاني
لقيتها بتزعق وبتقولي :عاوز ايه تاني يا سفاح !!!
سفاح !!
سفاح مين يا حماتي ممكن افهم ونبي
انا محتار زيك
هي :انت اهبل فاكرني هسيبك تموتني زي ما موتها !
قولتلها موت مين !!؟
قالت :بنتي !!
مراتك وعيالك موتهم ليه يا سفاح
قولتلها والله انا مش فاهم انتي بتتكلمي علي ايه انا مجتش هنا غير الوقتي
ممكن تفتحي بالله عليكي وتفهميني ايه اللي حصل
--
بعد نص ساعه اقناع
دخلت اخيرا
وطبعا ولا حته كوبايه شاي اشربها ولا ميه
بس حمايا بصلي
وبيقولي عنيك فين !!
قولتله :دي بس اتخبطت فيها ومغطيها علشان الجو والتراب وكده
حكيتها اللي حصلي كله
بدأت تهدي وجابتلي كوبايه شاي
وشربتها واليكم ما سمعت !
--
هي :بص يا احمد
طبعا بعد ما هي سابتك وجيت هنا
بدأت تحكيلي وهي منهاره وبتقول :انا حاسه ان احمد بيخوني يا ماما
هو مش مضبوط اليومين دول
وحاسه ان فيه حاجه
هديتها طبعا وقولتلها انك مش وش كده انت راجل محترم
بس بليل بدأت حاجه حاجات تحصل غريبه
لقيتها بتصرخ بليل
وبتقول ابعد عني يا احمد !!
عاوز ايه
جرينا بسرعه انا وحماك
وبصينا لقيناك واقف وماسك سكينه وسنانك كلها دم !!
وعنيك فيها غضب
قولتلها :انا ؟؟! ازاي انا هاجي وهعمل كده !!؟
قالت :متقاطعنيش لو سمحت
بس انا قرأت ايه الكرسي
لقيتك بتتحرك
والغريبه انك اتحرقت او الشخصيه اللي قدامنا اتحرقت
كاملتا
يعني حتي السكينه مفظلتش
او اختفي الله اعلم
تاني يوم الصبح خرجنا انا وحماك نشتري حاجات
وسبنا مراتك والعيال معاها بس جينا من بره
لقينا الناس متجمعين حوالين البيت
والبيت بيتحرق !!
لا مش البيت ده الاوضه بس اللي هما بيقعدوا فيها
وصرخات طبعا من فوق انا اتخضيت لسا هطلع
حماك مسك ايدي !!
قالي بلاش انا حاسس ان فيه حاجه غريبه
الحريقه خلصت وجبنا شيخ وحكيناله كل حاجه
قال ان الموضوع له علاقه بالجن
وجيه البيت بس لما دخلنا لقينا مافيش اثر حرق
وقرأ قران في البيت كله وفي الاوضه
وبعدين خرج وهو قلقان كده
وقال :ألاوضه دي تتقفل ومحدش يفتحها
وهتسمعوا اصوات من جوه محدش يدخل
وكمل قرايه ورش ميه في ارجاء الصاله والاوض التانيه
بعديها عرفت انك اللي قتلتها
وكرهتك علشان كده
بسبب الجن والحاجات اللي بتعملها علشان كده اتهمتك
قولتلها :انا ضحيه زيك والله
وخرجت وانا ماشي حمايا قالي :لو عوزت اي حاجه تعال هنساعدك
وانا نازل علي السلم الموبايل رن
ده عباس !
--
عباس :ألوو
انا :الوو ايوه يا استاذ عباس انا جي اهو في الطريق
عباس :تمام وانا عاوزك في موضوع مهم جدا
انا :موضوع ايه !؟
عباس :تعال بس وهتعرف
.
انتظروا الجزء التاسع