صوت من الجحيم الجزء الاول

بسم الله
..
احيانا بتعمل حاجه غصب عنك
بدون تفكير  في اتخاذ القرار وللاسف نتيجته بتبقي سيئه جدا
انا اسمي سامي حسن
عندي 22 سنه من القاهره
 كنت بلاحظ حاجات غريبه امي بتعملها
بس يعني عادي
عادي !
واحب ابدأ قصتي علطول
بدأت قصتي وانا كنت جي من سفر
من المصيف تحديدا الساعه 2 الصبح
بعد نص الليل يعني
جي مواصلات
ماما رنت
--
انا :الو ايوه يا ماما
ماما :ايوه يا سامي انتوا فين
 انا :يا ماما احنا في الطريق اهو يا حبيبتي ولسا هركب عربيه تانيه وجي
ماما :توصل بالسلامه يا حبيبي
انا :مع السلامه
--
بعدها علطول
العربيه اللي جي بيها عطلت بس كانت قريبه من الموقف اللي هركب منه عربيه تانيه
السواق قالنا انتوا كملوا الطريق مشي
ووصفهولنا
انا مشيت مع الناس
بس واحنا ماشين كان شارع مختصر وكده بعتبار انه مشي لان العربيات متعرفشي تمشي فيه
واحنا مشيين كان فيه بيت ظلمه كده
بس سمعت صوت !!
الصوت ده مش غريب عليا
ده صوت امي !!
بتقولي تعال يا سامي الحقني
تعال يا ساامي
قربت من البيت
ولسا كنت بشوف المدخل له لقيت صوت امي بقي غليظ
تعال يا ساامي
ولقيت ضحكه الضحكه دي مش ضحكه امي خوفت ورجعت تاني وبعدين ملقتهمش
قعدت ماشي
لقيت راجل واقف ومديني ظهره
بقوله لو سمحت !
بصلي
لقيت وشه كله دم
وبصلي بصه غضب رهيبه
كأني انا اللي عملت فيه كدا !!
جريت بسرعه ودخلت في شارع وفي شارع لحد ما لقيتهم وكانوا ماشيين وصلنا الموقف وركبت عربيه
وروحت البيت
دخلت اطمن علي ماما اول حاجه طبعا !
----
ماما :سامي حبيبي حمدله عالسلامه اجبلك حاجه تكولها ؟!
انا :لا يا ماما اكلت في الطريق بقولك
ماما:نعم يا حبيبي
انا :انتي كويسه يا ماما !
ماما :انتي كويسه !!؟
ايه السؤال ده فيه حاجه حصلت !؟؟
انا :لا يا ماما معلش يمكن تعبان من السفر وكده انا داخل اغير وانام
--
دخلت الاوضه
وانا بغير هدومي لقيت في جيبي ورقه
فتحتها لقيت مكتوب باللون الاحمر
ارجع والا الجحيم
!!!
انا اترعبت من الرساله دي ارجع فين ودي جيت منين
المهم غيرت هدومي وقعدت علي السرير وماسكها بتأمل الخط
عاوز اعرف ده ايه
بس من كتر التفكير نمت
حلمت اني روحت للبيت ده
ودخلت لقيت ماما
بس ماما بتدبح نفسها !!؟
صرخت وصحيت الساعه كانت عشره !
اه بالمناسبه انا والدي متوفي
وبشتغل او كنت بشتغل في مصنع
روحت شغلي
عادي
 بس كان ليا صاحب قريب مني اوي اسمه كريم
حكيته
وقالي اللي كنت متوقعه
انت مجنون وبتخرف
اكيد دي تهيئات يا بني
قولتله تهيئات ايه يا كريم بقولك حقيقي ده كله حصل
قالي اااه انت شكلك اتجننت يا سامي ايوه انت اتجننت
سبته ومشيت وروحت البيت
بس ملقتش حد في البيت
كلمت ماما علي الموبايل
-----
انا :الووو ماما !!
ماما: ايوه يا حبيبي انت روحت البيت
انا :ايوه يا ماما انتي فين !؟
ماما :بص يا حبيبي انا عند خالتك علشان خالك حسن مات ولازم ابات عندها النهارده
الاكل علي البوتاجاز لو جوعت خلي بالك من نفسك
انا :حاضر يا ماما ابقي طمنيني عليكي علطول ها
ماما :حاضر يا حبيبي حاضر
-----
دخلت اغير هدومي كالعاده علشان انام
ومأكلتش لاني مكونتش جعان
بس صحيت الساعه 3
علي صوت التليفزيون
التليفزيون مفتوح لوحده
مافيش حد في البيت اصلا !!
ياربي طب والحل
خرجت اشوف
لقيت فعلا التليفزيون شغال
ببص لقيت كل حاجه راحت والشاشه اتحولت ل اسود كلها
وفيه كلام في نص الشاشه
ارجع والا الجحيم !!
انا طفيت التليفزيون ودخلت الاوضه جري
بس لقيت حاجه عمري ما اتخيل اني اشوفها
لقيت طفله
متكومه كده حاطه في ركن من اركان الاوضه
ضمه رجلها كدا وراسها بين رجليها
ومدياني ظهرها
حاولت ألفت انتباها
لسا بقول انتي !!
لقيتها بصلتي
اليكم شكلها
وشكلها كله دبابيس ودم
ومعندهاش اسنان اصلا
وعنيها بيضااا
انا شوفتها حسيت ان حاجه ورايا
ببص لقيت ماما
ماما !!
انتي جيتي
ماما :ايوه يا حبيبي انا جيت تعال البيت يا حبيبي
وصوتها اتحول وضحكت واتخفت
ببص للبنت تاني
ملقتهاش
روحت عالسرير واتغطيت وقعدت ارتعش من الخوف
وقاعد متكوم ومستني حاجه تظهر
بس تعبت ونمت
صحيت الصبح
لقيت 20 مكالمه فائته من صاحب المصنع
كلمته
---
انا :الوو استاذ مجدي انت كلمتني !
مجدي :ايوه كلمتك انت فين من شهر مش بتيجي ليه حضرتك بتستعبط !!؟
انا :شهر ايه انا كنت عندك امبارح !
مجدي امبارح ايه انت شارب ايه
انا اخر مره شوفتك كان يوم عشرين نوفمبر
والنهاردا واحد وعشرين ديسمبر !!
بصيت في الموبايل لقيت فعلا كلامه صح
انا :انا اسف يا استاذ مجدي اسف حصلي ظروف
مجدي :ظروف مش ظروف انت كده كده مرفود انا كلمتك علشان ابلغك بس
وقفل السكه في وشي
----
انا مش عارف اعمل ايه
دخلت علي النت وعرضت مشكلتي في جروب
اللي يقولي انت مجنون واللي يهزر
بس واحد بس اللي صدقني وقالي تعال خاص عاوزك
---
انتظروا الجزء الثاني