مبعوث اخر الجزء الثاني

بسم الله
مبعوث اخر ج2
لقيت قطه قدامي سودا
بس وشها مش وش قطه
لا وش الشخص اللي كان في الجنينه
بس عينه البيضا مش موجوده
واقفه علي الصندوق
وفجأه النور قطع وملقتش القطه قدامي
عدي اليوم ده وانا مش فاهم اي حاجه او خايف افهم
روحت الشغل
  وبالمناسبه انا شغال في صيدليه بتاعت واحد قريبي
انا مش صيدلاني بس بفهم انجليزي والعلاجات كدا ع قدي معلومات
صغيره صداع اسهال كدا
ومعايا واحده قدي بس هي دكتوره صيدلنيه اسمها مريم
فا بتساعدني
كنت واقف سرحان كدا
بتقول دكتور
مردتش
بتكررها تاني دكتور
بقولها بعصبيه كدا
نعم فيه اي !؟
بتقولي مالك بتزعق كدا !
وسألتني ع حاجه
قولتلها معلش تعبان شويه ومش مركز منمتش واعتذرتلها
وقولتلها طيب معلش انا هستأذن لاني تعبان وعاوز انام
قالتلي بأسلوب مستفز كدا :اه مهو علشان الدكتور قريبك بقا بتيجي براحتك وبتمشي براحتك !
قولتلها اه علشان كدا وخليكي في حالك وبلاش الاسلوب الزفت دا علشان بضايق منه ومشيت
روحت البيت وشغلت قران في الفيلا ونمت
صحيت الساعه 7 بليل
النور كان قاطع
جمدت قلبي كدا وولعت شمعه وكان كل حاجه طبيعيه جدا
من غير اي مقدمات
شوفت حاجه من بعيد كدا في اخر الممر بتاع الفيلا دي مش حاجه
دي عيون !
نور الشمعه كان ضعيف جدا يادوب منور المحيط كدا
روحت قربت منها ومسألونيش جبت الجرأه دي منين
روحت وخلاص
لقيتها القطه
بس شكلها مش زي الاول وشها وش قطه عادي
بس عنيها كلها بيضا
وهي سودا جدا
تقريبا مش شايف مش عيونها
الخضرا وفي الجو دا مرعبه جدا
لقيتني فجأه بزعق فيها انتوا عاوزين مني اي انا معملتش حاجه
القطه وجهت وشها ليا
وصوتت بصوت عالي جدااااا
بس صوت راجل مش صوت قطه
وبعدين نزلت عند الصندوق
انا فضلت  واقف مكاني وبعدين رجعت تاني
فهمت انها عاوزاني امشي وراها
بس الصندوق عليه قفل افتحه ازاي
لقيتها عملت صوت غريب
بصيت عليها لقيت مفتاح في رقبتها
اكيد دا مفتاح الصندوق بس اخده ازاي
انا اخاف المسها اصلا وفجأه الكهربا راحت والقطه اختفت بس سابت مكانها المفتاح
قربت واخدت المفتاح وروحت علي الصندوق وفتحته
بعد خمس دقايق من فتح الصندوق فهمت ليه جدي جالي البيت وخدني
انا لقيت جوا الصندوق كتاب مفتوح علي صفحه فيها جمله واحده
انت الوريث للحق السفلي انت الخلود عند الفجر انت القبر عند الغفو انت خادم لسيد الجان
طبعا انا لما فهمت مش عارف اعمل اي !!
اروح لمين ولا اي
انا بقيت خادم للجن الوقتي !
طب اعمل اي
!!
فكرت اني  اهرب بس هو ممكن اعمل اي !!
روحت الصيدليه الساعه 2 الصبح
قررت اني هبات هناك
مهو اي حاجه اهرب بيها من الفيلا دي
مريم مكانتش موجوده روحت انا  وفتحتها مهو هي معاها مفتاح وانا مفتاح
وروحت قعدت اشغل نفسي ب كذا حاجه ارتب في الادويه اقرأ اعمل اي حاجه علشان انسي
بس من التعب نمت
ايوه بعد اللي شوفه ونمت
نمت
صحيت لقيت نفسي واقف في صاله الفيلا !!
اي دا تاني
والصندوق قدامي
وجيت من ورا كدا من حته ضلمه
افعي كبري كبير
عينه سودا
وبصلي وكلمني
ايوه افعي كلمني !
وقالي :لا مفر من السيد اطع ولك الخلود والقربان اطفال
والافعي دا خبطني واغم عليا
فوقت
لقيت نفسي في الصيدليه
ومريم بتصحيني
دكتور !
اصحي يا دكتور عادل
قولتلها صباح الخير
قالتلي خير اي الساعه 5 الصبح
انا جيت الساعه 10 كالعاده لقيتك نايم ومش بتصحي خالص وبقالي فوق ال12 ساعه بصحيك وانت مش بتنطق
بس كنت بتقول كلام غريب وانت نايم كدا
مفهمتوش
وطلع منك صوت افعي
قولتلها انتي بتهزري !؟
قالتلي والله ما بهزر
قولتلها طيب طيب روحي شوفي هتعملي اي
وشكرا يا مريم علي انك مروحتيش لحد ما تتطمني عليا
قالتلي العفو انا ماشيه ابقي اقفل الصيدليه ها
قولتلها ماشي
قومت وانا بقول
دا حلم ولا حقيقه
اللي شوفته دا حقيقه ولا لا واي القربان دا !؟
قولت اكيد دا كابوس
بس اتفجأه بأثر الضربه علي دماغي بتوجعني !!
كده ادركت ان مافيش مفر !
روحت البيت
بغير هدومي لقيت ورقه علي السرير
مكتوب عليها بالدم
(الليله اول قربان وان لم يأتي ستجحم )
اعمل اي ياربي
قولت لازم اجيبله طفل البيت
دا الحل الوحيد
عملت كدا فعلا
خطفت طفل ودخلته الفيلا بحجه هجبلك شيكولاته وكدا
دخلته وحطيته علي الارض
في حوالي ثانيتين لقيت الواد بيصرخ ولقيته كله دم وعيونه كلها اتشالت وجسمه اتقطع نصين !
انا شوفت المنظر دا
حسيت ان رجلي من قادر اقف عليها
ووقعت علي الارض
وبعد ربع ساعه من النظر للطفل دا والحسره عليه
قومت روحت الاوضه بتاعتي
لقيت ورقه علي السرير
مكتوب فيها احسنت انتظر الرساله التاليه !
ببص علي يمين الاوضه لقيت فيه 5 قطع دهب !
الدهب دا فرحني جدا اوي ونسيت الطفل خالص
وحبيت الموضوع بقي
ونمت ومحلمتش بأي حاجه
حسيت انهم راضيين عني بقا
صحيت لقيت ورقه جديده جمبي
مكتوب
(الليله تاني قربان )
اخدت بقي الدهب وبيعته وحالتي حلوه اوي ولبس شيك بقي وكل حاجه عاوزها جبتها
اديت ل طفل 100 جنيه وقولتله تعال هوريك حاجه وهديك زيها
ودخلته الفيلا وفي 2 ثانيه الواد حصله زي اللي قبله
جسمه نصين وعيونه متشاله خالص وكله دم
وانا بقيت عادي بقي اتعودت !
واروح الاقي نفس الورقه !
احسنت! انتظر الورقه التاليه
والاقي 10 قطع دهب !
افرح بقي
وحبيت الموضوع بكل برود
بعيدا بقي عن الانسانيه اللي في الموضوع
بس
وجيت الرساله
الليله القربان الثالث !
بس روحت علشان اجيب طفل
لقيت الطفل دا فرحان اوي
بس الفرحه اللي في عيونه لا توصف
فرحه براءه عيونه كلها بتنزل براءه
من منظره
بس اخدته برضه مش عارف دا جحود ولا اي
دخلته الفيلا بس لقيت الطفل بيبصلي
وبيبتسم
ابتسمته دي بعدها علطول لقيت زي اللي قبله !
انا حسيت ان قلبي اتكسر
يعني ده كان عارف باللي هيحصله !
روحت لقيت الدهب بقا 50 قطعه مهتمتش
 ولقيت ورقه احسنت انتظر الرساله التاليه
والرساله جيت
الليله القربان الرابع !
بس مجبتش حاجه وقعدت مستني  
بليل
في معاد تسليم القربان اللي انا مجبتهوش
كنت واقف قدام المرايه بتاعت الاوضه
لقيت نفس ورايا
ببص ورايا ملقتش حاجه
بس فيه خيال ليه بس انا مش شايفه
بس شوفته
شوفته في المرايه واليكم شكله !
جسمه لونه اخضر
ووشه كله محروق
ونص شعره متشال من قدام كدا وماسك حاجه زي خطاف كدا
وواقف باصص في الارض
بصلي لقيت عنيه كلها احمر !
ودم بينزل منها
وبصته فيها غضب
وقالي اللعنه ايها السافل ستجحم
ستجحم
وفجأه النور قطع
في الظاهر انه في اوضتي بس
ولقيت ال3 اطفال اللي قتلتهم جايين
بس مشوهين
شوفتوا زي الزومبي كدا بنفس الماشيه
وجايين نحيتي
اعمل اي
اعمل اي !!؟
لقيت كبريت جمبي
ولعت في المفرش بتاع السرير
ورميته عليهم وهما ولعوا
وفجأه النار كلها مسكت في الاوضه وانا في نصها
واصوات ناس بتتعذب كتير وبتعلي جدا
وحاسس ان فيه حاجات بتطلع من الجدران
حاجات زي اشباح
بس شوفت في النار حاجه طلعت غريبه جدا !
شوفت جدي
ايوه جدي بس بدل ما كان بيضحك
لا كان بيعيط
وسط النار !
سمعت صوت كدا كأنه جي من عند ربنا !
الله لا اله الا هو الحي القيوم لا تأخذه سنه ولا نوم له ما في السموات وما في الارض ..الخ
صحيت لقيت نفسي في مستشفي !
وجمبي واحد وشه ابيض اوي
وشكله يفتح النفس
بدقن طويله
قالي حمدله عالسلامه يا بطل
قولتله مين حضرتك !؟
قالي انا الشيخ محمد
ساكن في بيت صغير جمبك !
ممكن تحكيلي بالتفصيل اي اللي حصلك !
حكيتله بالتفصيل اللي حصلي
قال بص يا استاذ عادل
الفيلا دي اصلا معروفه من زماااان اوي انها ملعونه
ومسكونه واللي ساكنها الشيطان اللي هو سيد الجان
ولازم ناس معينه
بيختاروهم بناء علي ايمانهم
قولتله يعني اي !؟
قال يعني ايمانهم ضعيف ومش محصنين نفسهم كويس
الناس دول هي اللي هتعيش في الفيلا دي
بس لازم يقدموا قرابين اطفال للشيطان
علشان سيد الجان يرضي عنه
واللي انت عملته في الاول دا يعتبر كفر وحرام جدا
انت مش قتلت طفل
لا انت علقت روحه
واللي انت عملته انك برضو حررت كل الارواح
عارف الاشباح اللي كانت بتطلع والبيت بيتحرق !
قولتله اه عارفها !؟
قال كل دي كانت ارواح معلقه وانت بغير قصد حررتها
وقال بالنسبه لجدك كان بيعيط في النار
لانك كدا يعتبر اغضبت سيد الجان منك
وانت عملت الصح بدون ما تعرف
والوقتي انت حررت الارواح وجدك هيجحموه لانك انت وريثه انت مبعوث اخر
وانت الوقتي
فيه حروق جامده في جسمك ما عليك الا الدعاء لنفسك
 وطبعا مش هتعرف تصلي
بس انا هجيلك كل يوم وهحفظك القران والاذكار ولو ربنا شفاك ابعد عن الفيلا
--------